一早應承Sorfu星期六要陪佢玩餐飽, 因為最近連同佢每日散步o既時間都無, Sorfu真係變到成舊塵一樣, 所以乎B好似食o左金霸王咁勁, 陪我地玩足12個鍾都唔攰, 今日要特別鳴謝太陽伯伯, 佢好落力呀!! We love you the most, Uncle Sun!
彭福Dog Run
一早同梳乎去探Doreme, 我地叫Doreme跟埋我地去玩, 因為今日天氣實在太好喇! 之後10:45a.m.就已經去到彭福, Mavis o既金珠, 仲有Bingo Spicy, Moni 同程寶仔已經到o左喇
SorFu 見到佢地就笑笑口走去打招乎
太陽伯伯無呃我地, 佢真係出來陪我地玩, 我地個個都好熱呀, D大人全部都o係樹下坐, 狗狗就緊係喪跑啦, 乎B真係好似一舊塵, 要剪毛喇!
我去o左一個鐘左右, Moni姐姐同程寶仔就要走喇, 佢地媽咪有o野做, 所以無得同我去酒店食飯, 不過媽咪話下次約佢地再早D, 之後去食 Brunch! 我地可以成日見呀!!
佢地就係Bingo Spicy, 乎B第一次見佢地咋, 不過乎媽兩年前已經同佢地同一架機去日本, 自從兩年前見過Spicy, 我一直對佢念念不忘, 我亦愛上雲石小牧喇!
無幾耐, Henry, Pixie, 芊芊, Lucky, Money, 小Q, MiMi佢地全部都到喇, 因為今日彭福好多狗狗, 而我地隔離仲有隻伯恩山添, 所以唔夠時間同你地每一個影相, 我要望實乎乎呀! 下次一定要影返夠本
由於太多人同埋太陽伯伯又好落力, 我地玩o左兩個鐘就向麗豪酒店出發, 多謝你呀太陽伯伯, 今日到處都有陽光
麗豪酒店意廊Lunch
Appetizer
Main Course
Dessert
o的o野真係幾好食o架, 服務態度又好,
呢餐仲要比o左個75折SorFu呀, 其實麗豪酒店户外o既位唔多, 只有6張檯, 每兩張檯為之一個section, 一張檯只可以坐4個人,
所以今日大家一齊食lunch都係分開一檯一檯, 我地就包o左佢3檯喇, Uncle Anutie, 媽媽唔好意思呀, 真係招呼唔到, 多多包涵!
最後來個合照, Henry 同 Pixie 行開o左,
影唔到合照, 可惜呀! 點解個個上晒chair 到o既, 只有Bingo Spicy, 因為只有佢地兩個o係地下唔會走開, 上面幾隻o野,
仲有行開o左o個幾隻, o係地下唔受控o架, "的"晒上chair就無得郁喇!! hehe
開心o既時間過得特別快, 我地散場之後,
乎媽就帶乎B去勝利道探哥哥姐姐喇, Dickie姐姐又送o左幾盒餅餅比乎B, 隔離阿歷爸爸媽媽仲教乎媽梳毛呀, 佢教完我之後, 我真係好慚愧,
原來養o左6年狗, 連毛都唔識梳, 不過我依家識喇, 我地o係阿歷爸爸鋪頭等Sorfu爸, 之後就離開自由道, 去o左深水埗搵Wilson
哥哥喇, 今日帶Sorfu去咁多地方, Sorfu開始攰喇!
今日買比SorFu o既o野, 有益生菌conditioner
(上次買o左益生菌Shampoo, 唔用conditioner好唔順, 都係要買) , 有玩具, 有Eye Envy眼仔藥水(試o下好唔好用),
有清新口氣o既糖糖, 有一條出街用o既背心帶 (會夜光o架 wakakakakaka!) , 我想乎B試一試唔用頸圈,
佢由細到大都係成日比我扯住條頸
最後輪到我同乎爸去萬發食飯喇, 雖然要坐街邊, 又好多人等, 不過真係好好味, 我食完又無肚痛, 真係好呀, 乎爸最鍾意坐街邊食o野, 佢話好有風味wor! o的o野食好大碟, 我地兩個人都食唔晒, 下次都係叫兩樣餸算喇!
沒有留言:
發佈留言