其實媽媽真係好多謝好多謝Breed你o既Celia姐姐, 當我買你o既時候, 係我一生人最唔開心O既時候, Celia那一刻將你交比我, 對我來說, 佢唔係賣一隻狗狗比我咁簡單, 佢係送快樂同支持比我同Sorfu爸, 好好彩 Celia姐姐真係比我地o既誠意打動, 願意將你交比傻o下傻o下o既我地, 所以我地從來無將買你返來當作交易, o係你比我地快樂o既同時, 我地亦會比你一生一世的幸福, 呢個係媽媽對你同對Doreme的承諾
今日o既超小型生日會, 仲要多謝Moffy, Kudo, Fayboy, Colonel, Mo Mo 佢地個個都賞面參加, 相信佢地係你最好o既朋友, 仲有Moffy 媽, Suki, Kala o既生日禮物, 由於唔想大家破費, 爸爸媽媽都無特別邀請各方狗友參加呢個超小型生日會, 希望大家見諒, 我地都係抱住有緣o既話就會見到o既心態, 有緣地我地見到杜比, 最奇妙就係今日竟然會遇到你o既同胎妹妹蚊蚊, 仲要o係我地切蛋糕那一刻出現, 我真係好surprise, 即使無約定, 一樣會遇到, 緣份確實係好有意思!
最後, 我知道Sorfu你一定好想多謝Ben 哥哥, 因為如果無Ben 哥哥, 根本我地就連同你開超小型生日會o既機會都無, 如果Celia 係比快樂我地o既人, Ben哥哥就係去幫我地實踐承諾o既人, 如果無Ben 哥哥, 我地都未必可以見到你咁開心咁雀躍o既樣, 有責任的breeder係可以將快樂送比人, 而有質素o既trainer就可以令狗狗生活更幸福,真係好感激佢地!
最後, 由於攝影師爸爸好病o既關係, 今日只係影o左好少相, 你同蚊蚊o既相只有呢張, 仲要唔望鏡頭, 你地兩姊妹真係好難影
沒有留言:
發佈留言