時間真係過得好快, 過多兩日, 你就已經離開了媽媽一個月喇, 與其說時間可以沖淡我對你離去而感到的悲傷, 倒不如說, 日子愈過得耐, 我覺得你同我隔得愈來愈遠, 我現在除了心如刀割, 整個人都被眼淚沖昏, 每當我想起你, 我的眼淚就會立刻從眼角湧出來, 儘管工作時可以暫時停住眼淚, 每當我整個人放鬆時, 眼淚就不由自主地滴下來
今天收到Janice (Animal Communicator) 的 Email:
***********************************************************************
Dear Yuki,
不好意思，咁耐先覆你。
我 上星期五去咗參加 animal communication 嘅 gathering，於 gathering 中我同 Doreme 溝通過.....當我同佢 connect 時，情緒立即變得好悲痛，眼淚忍唔住湧出嚟。我相信係因為你哋仲為著 Doreme 好難過....
然後我就好成功咁同 Doreme 聯絡上啦。Doreme 佢靜靜地、遠遠咁企喺一片綠色嘅草哋上面，好安靜平和，輕輕擺尾同我打招呼。
當我問佢有無嬲過爸爸時，佢表現得好無知，因為佢跟本無諗過 / 無理由要嬲爸爸....佢只知道佢可以去到而家哩個地方覺得好舒適好愉快。
我亦同 Doreme 講咗，爸爸媽媽會永遠愛佢....佢好乖呀! 定定眼望住我一陣，跟住佢就俾咗一個心心嘅圖像俾我，然後我見到一男一女 (我想係你同你先生吧)，我認為係 Doreme 想透過我傳遞佢對你哋嘅愛。
你哋可以放心呀! Doreme 而家嘅感覺好舒適恬靜，無牽無掛。
我希望能夠幫到你哋!
Best wishes,
Janice
**********************************************************************
Janice 話比我知, 雖然我感應唔到你, 但係狗狗就天生有感應人的能力, Doreme 可能想話比Janice知爸爸媽媽好傷心, 所以Janice connect Doreme 時, 就感到悲痛, Janice 話呢個感覺唔係源於佢本人, 也訐, 那一刻佢係感應到我的感受
Doreme 好乖, 你明白當日你真係好辛苦, 所以爸爸同意醫生打針, 而你亦無嬲過爸爸, 當日,媽咪喊住懇求醫生用盡所有方法去拯救你, 可惜醫生同媽咪講,世上已經無藥可以醫到你, 那時, 我已經崩潰, 見你奄奄一息, 但係眼仔無離開過我, 之後, 爸爸媽媽和你一起那四小時, 我伏在你的面前, 凝望你的眼睛, 我記得每一個情景, 之後, 你吐血, 醫生叫我們考慮給你安樂死, 醫生說你將會愈來愈辛苦, 爸爸便決定讓你舒服離去, 因為見到你辛苦, 我地個心, 好痛好痛, 我地望住醫生打針, 好快你心跳停了, 我和爸爸再陪了你一會, 便去辦手續, 處理你的身後事
我一直都擔心你, 唔知你一個人去到彩虹橋習唔習慣, 原來, 你真係擁有Janice 所講的大智慧去繼續你在另一個世界嘅旅途，作為媽媽嘅我，可能都要學習放下
Janice 仲話媽媽同你 嘅相遇雖然好短暫，但最重要嘅係真真實實咁相遇過, 人與人/生物要有好大嘅緣份先可以遇上,所以，我哋嘅遇上，都係天大嘅福氣! 但當緣盡，我哋都要慢慢學習放手
Janice 仲叫我要好好照顧自己，唔好要 doreme BB 你為我掛心, 俾你安安樂樂咁走，呢個係媽媽可以為你做嘅最後一件事....
你要比媽媽多一些時間, 媽媽希望可以同你一樣, 好恬靜好平和去面對
With Love,
Mama
沒有留言:
發佈留言