My Dream Bag by Anya Hindmarch

之前一直好想用自己寶貝嘅相做一個袋，不過唔知用咩相好。當影完輯靚靚相之後，我就帶埋d相去鋪頭問店員意見喇！

一開始我想做L size, 不過揹起嚟，又好似太大。如果我高d，揹咁大個袋就唔會太累贅。最後店員suggest 我買 M size, 其實M size已經可以放到A4 file. 之後佢地喺咁多張相中提議我邊張好d.

依家做手袋一定要用4R 或以上Hard copy 嘅相，聽朋友講, 以前係可以用soft copy o架, 依家仲要張相嘅主角影得正正中中，因為師父唔會用張相就位ga， 所以雖然我帶咗好幾張相，最後都只得兩張比較適合。

之後店員仲提議我撰咩色手柄添，佢地真係好好人，而且意見好中肯。 本來我想加錢做兩面唔同相, 不過店員話我兩張相o既background 顏色唔同, 可能做出來有一面就唔係咁夾本身個手柄同側面帆布o既色, 所以最後都係做兩面一樣吧! 

因為要寄返d相去英國造，所以要等4-6個月。希望我可以Christmas 前收到啦。