Doreme 你要早日康復

Doreme 你要早日康復

文章日期：04/10/2009 07:59 pm



我又一次證明 屋漏偏逢連夜雨呢句說話係無錯。

自從Doreme舊年做完手術之後, 佢開始食Hills 的 U/D配方, 因為Dr. Mak 話呢隻糧的成份對預防Doreme 的膀胱石較有幫助, 雖然係醫生糧, 但係Doreme 真係好鍾意食, 不過就愈食愈肥, 同埋, 佢食到個咀同隻手都唔同晒色, 可能係因為佢d分泌酸鹼度唔同o左o掛, 佢真係咀又啡, 手又啡, 不過如果對佢身體好, 啡手啡腳都無問題啦!

4月4日係清明兒童節, Doreme 唔知點解, 開始食慾不振, 星期六開始少少糧都唔肯食, 我已經心知不妙。 不過, 佢又肯食餅餅, 所以我都係有待觀察。

4月5日 - 唔肯食

4月6日 - 我地扮同佢搶食, 佢先食兩粒糧

4月7日 - 死都唔肯食, 不過開始飲多o左水

4月8日 - 可能佢終於頂唔住, 夜晚肯食糧, 飲水份糧比平時多兩三倍

4月9日 - 乜都唔食

4月10日- Doreme 去咗見 Dr. Mak, 醫生同佢做咗一些初步的檢查, 都無乜頭緒, 醫生仲比雞肉佢食, 佢又食, 跟住就去驗血, 之後發現肝指數有問題, 其實我在早上已經發現Doreme 眼仔有D黃, 醫生比了一個星期的肝藥 同抗生素比Doreme, 希望佢病情會好轉, 如果這幾天再有問題, 我地就要帶Doreme 返去照超聲波喇搵原因, 如果食咗藥有好轉, 就唔使照喇.

醫生話, 狗狗肝腎有問題, 會飲好多水, 但係暫時都未知係咩事影響到佢個肝咁樣, 所以我地都係要再觀察! 我希望Doreme 快d好返, 健健康康!