辣媽的生日飯

8月3日

8月係辣媽的生日月, 因為怕辣媽會好忙多人約佢食飯, 所以我地就提早同佢食餐飯喇
辣媽提議去深井食西餐, 呢到d野食其實都幾好味, 不過太多客人, 侍應都忙過不停

你睇今晚梳乎同Spicy都有份點菜架, 梳乎今晚有得同spicy一齊食飯不知幾開心, 可能佢都知依家天氣熱, 唔係成日可以出街玩啦~~

我地再一次祝辣媽生日快樂呀~~

2014 pet oasis 夏水禮

8月2日- 天晴

之前一晚仲落好大雨, 幸好天公造美, 今日梳乎去同姑媽大伯游水水, 終於都可以如期舉行

之前一直想同佢去沙灘, 可惜次次都落雨取消, 梳乎今年真係同大蛇灣無緣

其實PET OASIS都幾偏遠, 我地都係由勝哥帶領, 先跟車尾知道點去咋~ 去到見到個水池都唔算好大, 不過我地包場玩就好好玩喇, 但係d水唔淺ga, 人都要著泳衣先可以落水, 因為最深處都會去到心口架

梳乎B真係苦口苦面架, 因為佢好驚游水水, 不過佢游得好叻架, 個頭仔唔會濕既~~ 哈哈
之後就由爸爸同梳乎一齊沖涼吹毛毛, 呢到既吹風沖身設備唔錯架

之後我地就再去博愛醫院附近的泰屋食飯, 呢到d野食好好味架~

下次一定要再去泰屋食野先得!

乎B覆診記

7月24日-時晴時雨

呢個小朋友今日到期要去天醫生到驗下貧血有無改善, 上一次做手術時驗到佢血紅素偏低, 所以醫生就開左維他命比梳乎去食, 唔知係咪維他命太勁, 食到衰妹佢成塊面啡晒, 所以我地係覆診之前的兩星期就已經同佢停左喇

天醫生都話梳乎應該無問題既, 如果今次驗血正常, 就唔再需要比佢食維他命喇

梳乎一見天醫生就驚到全身震震, 後來天醫生有urgent case去左隔離房, 梳乎就即時偷笑

今日除左驗血, 仲有滴狗房咳藥, 驗血報告又非常好, 一齊變返正常, 所以我地就買件蛋糕仔同乎B慶祝一下。

落雨雨都去飲茶

7月1日雨天

今日係回歸日子, 乎B無去參加遊行, 不過就去左皇朝漁苑飲茶

可能因為之前做手術無去街街好耐, 梳乎今日好開心呀, 我地仲叫左一碗豆腐花分兩啖比呢個妹豬食, 佢食到個咀仔幾醜怪~~ 哈哈

呢到真係好多人帶狗仔一齊飲茶, 不過我覺得夏天都真係熱架, 所以都係等冬天涼d再來啦

好不容易捱到拆線

6月11日

乎b拆線喇, 今日一拆完線就好招積, 因為醫生姑娘讚梳乎好聰明, 

識得用後腳抓前腳, 姑娘話唔係隻隻狗都識, 

醫生吩咐一個月後再返去打狗房咳疫苗, 同埋驗下貧血好返未

原來梳乎粒瘤係一粒唔常見的淋巴血管瘤, 不過好在係良性, 我問醫生拎左報告返去睇之後, 真係好深, 好多野都唔明, 於是就搵Nancy 幫手, 佢真係好好人呀, 即時打電話同我解釋, 話我理解無錯, 睇完之後, 好在梳乎呢粒係一粒割完之後唔會再復發的瘤, 總算不幸之中的大幸

乎B的血管瘤手術

2014-5-29 天晴

早在半年前, 有一天發現乎B手仔流血, 最初我以為是自己不小心散步時踩到她的手手, 可是隔了好幾天, 手上的小血痣也沒有消失, 每次用力按也會流血, 於是只好找Dr. Tint 了。

Dr, Tint 仔細查看後, 說這是一粒自己不會消失, 會流血的血管瘤。 我聽後心裡一沉, 也有很多疑問, 可幸的是醫生說這瘤是良性的, 假若是生在身體比較多脂肪的位置, 我們可以遲一點才做手術, 可是在手仔比較少皮肉去給傷口癒合, 安全起見, 還是盡快做吧。

我們一直都觀察著這瘤的變化, 不知是否沖血的關係, 它真的有變大, 於是乎爸終於肯帶梳乎做手術了。病向淺中醫, 即使真的害怕痳醉的風險, 也要將梳乎交給醫生

呢粒瘡瘡, 原來係一粒瘤, 醫生話割完之後要拎去化驗, 不過佢都強調, 佢相信係一粒良性的瘤

本來一到步都扭計要走, 一見到天醫生又即時收聲, 之後叫佢影相, 仲識笑, 我地先入疹症室見醫生, 天醫生見梳乎不停鶯鶯叫, 佢就用廣東話叫梳乎唔使驚, 之後梳乎仲錫左天醫生一下

姑娘4:30左右都打電話來話佢手術後醒左, 我地六點就去接佢, 醫生幫梳乎洗埋牙仔, 叫我地以後要記得幫梳乎刷牙, 然後, 醫生話梳乎有貧血, 我地要比多d 野佢食, 其實佢已經每日食得好多野, 都唔明點解會貧血, 希望見完醫生開的維他命會無事啦

                                  當晚點家, 好攰呀, 好似好想喊咁, 無曬心機, 又唔肯飲水

開頭食飯, 戴住蛇餅唔肯食, 之後就戴返口水肩, 佢就肯食喇, 激死人, 食量同平時一樣, 好好胃口。今晚整天使麵等佢開心下， 本來戴住蛇餅唔肯食, 一戴返個口水巾又食喇

                                                   之後就瞓覺豬, 成晚都要跟住媽媽瞓

     
          好彩, 到了5月30日, 梳乎婆婆都來同梳乎玩, 梳乎開心好多, 而且已經精神曬喇, 佢仲好似           唔知傷口痛, 成日用隻手仔去抓我地, 相信到6月11日拆線都唔會有問題。

不過過了幾天, 梳乎開始傷口痕, 佢仲用後腳去抓傷口, 搞到流血, 幸好無爆線, 我地之後只可以買襪仔套住佢後腳, 夜晚我盡量夜少少瞓, 看住佢, 爸爸仲好有心機, 用紗布幫梳乎整了一隻小蛙鞋咁, 梳乎你要乖乖地, 6月11日我地就可以去拆線喇。

清水灣俱樂部附近的天后廟

5月2日- 炎熱

今天不是公眾假期, 不過我和乎爸都請了假, 跟梳乎去遊玩一返

     Karson 聽同事講, 在清水灣俱樂部附近有一個碼頭都幾得意, 於是今日就帶梳乎去玩下

   呢到係一大片空地, 附近有釣魚客, 不過太曬, 我地都唔係逗留好耐, 但係呢到唔多人, 好       peaceful, 我們一家就是坐在海邊享受一下寧靜

    梳乎這一刻應該好想返屋企, 因為我地坐在碼頭, 對著個海, 佢已經好不安, 哈哈

                      走前比我地發現廟前有棵很美的樹, 梳乎又要拍下一張靚女相留念