o係大約3年前, 有一隻成身黑蚊蚊o既小貴婦, 佢咀仔同心口仔都係銀白色, 佢大個之後就會變成一隻灰色o既貴婦, 佢成身o的毛毛厚到好似一隻小熊咁, 比一個傻傻地o既女人o係網上睇中o左, 不過當時, 佢已經比一個又高貴, 又有大屋, 又有地位o既女士帶o左返屋企, 呢間大屋入面, 住o左一隻好似王子咁o既白色小貴婦, 呢個王子, 同大部份皇帝一樣, 好咸濕!! 佢見到呢個毛絨絨o既銀灰小貴婦, 當然唔放過, 一開始就不停騷擾小貴婦, (下刪三級描述一百字), 令小貴婦又驚又嬲, 可憐小貴婦唔明點解佢o既高貴媽媽唔去保護佢同阻止王子, 於是, 小貴婦最後只有反抗, 佢好憎呢個王子, 好討厭佢, 當時小貴婦只有大約3-4個月大, 佢唔會吠, 只係成日眼濕濕, 佢想高貴媽媽會睇穿王子真面目..... 點知...
有晚小貴婦偷聽到原來高貴媽媽係買佢返o黎陪王子玩, 王子先係佢媽媽o既至寶, 小貴婦因為年紀太細, 有時唔識去廁所, 媽媽歉佢唔夠乖, 仲話王子係最聽話o既, 其實高貴媽媽太錫王子, 佢忘記o左, 小貴婦係一個BB仔, 佢不停用王子同小貴婦比較, 好偏坦王子, 最後, 小貴婦忍唔住, 佢o既邪惡基因運作喇, 佢一見王子就打, 一見王子就打, 打到佢落花流水, 搶王子食物, 佢覺得要自己保護自己, 唔可以輸, 小貴婦有一張私人梳化, 佢為o左霸住自己o既地位, 除o左高貴媽媽, 同照顧佢o既工人, 就唔會比人行埋去, 佢開始整一o的邪惡o既樣, 去嚇走屋企o既男人, 佢好憎男人, 好憎王子
最後, 高貴媽媽接受唔到, 就決定捨棄小貴婦, 將佢退回佢出世o既地方, 小貴婦好唔開心, 好唔捨得高貴媽媽, 小貴婦自始之後, 無再笑, 無o左天真o既表情, 佢唔鍾意狗, 變o左一個惡霸, 不過佢依然在出生地點, 每日等高貴媽媽接佢, 點知過o左一星期呢個同佢一齊生活o左三星期o既媽媽都無再出現
過, 但係, 傻傻o既佢, 都依然好安靜咁等高貴媽媽來接佢...直到有一日 ..
~~續~~
插圖by Sabu Sabu
故事by 狗把梳
故事純屬虛構
~~續~~
插圖by Sabu Sabu
故事by 狗把梳
故事純屬虛構
沒有留言:
發佈留言