2011梳梳乎乎兩歲生日會

2011梳梳乎乎兩歲生日會

文章日期：01/18/2011 12:38 am

2011年1月1日, 我地幫梳乎開o左一個好開心o既生日會
今次請o左好多梳乎o既好朋友同埋錫梳乎o既哥哥姐姐去金喜BBQ.  其實我地無打算年年同梳乎開生日會, 因為小梳乎平日去彭福跑一轉一定開心過去Cafe或者坐在椅子上同我地BBQ, 不過佢家姐Doreme o係佢一歲o個年開過一次, 所以我點都要幫梳乎搞一次先公平o既! 睇返當日o既相, 真係無撰錯地方, 大家都玩得好開心, 如果在Cafe或者Training Centre, 梳乎一定唔可以玩得咁盡情

要多謝Carrie幫我去拎蛋糕, 因為我地之前唔o係香港, 時間太趕, 好彩有呢個好朋友, 佢地一家人仲一早車埋我地去金喜, 幫我地打點一o下, 認真唔話得呀! 反而我地真係無咩招呼大家, 只係希望大家盡情食多D食多D食多D
呢日真係好凍, 來o既朋友真係好有心, 天寒地凍都來賀乎B, Loletta, Tung Tung ma佢地雖然無帶狗狗, 但係都賞面參加, 我地梳乎family真係對佢地萬二分致謝, 仲有我地梳乎一家o既forever friend炒飯, 平日炒飯好少去呢類function, 真係好開心炒飯媽咪山長水遠帶炒飯o黎玩!

梳乎見到熟朋友仔, 幾開心, 因為佢真係好耐無同朋友仔出去玩喇

多多芊芊一早去到, 趁仲有太陽, 影o下相先啦

我地當然要約埋Lucky仔啦, 話晒佢都係同梳乎合演過開幕日金童玉女! wakakaka

呢個就係炒飯喇, 佢今日都有去聞o下狗仔, 都幾開心!

Dolly 姑媽好忙, 又想撩小唐狗冬瓜仔! 你地睇完都明梳乎似邊個啦~~~ 傻基因!

我最開心就係Spicy一家好賞面, 得佢地唔係poodle, 依然賞面出席, 我地一定希望Spicy一家開開心心

Spicy 媽, 你要加油! 笑多D, 食多D, 玩多D

咁多位個Family, 多謝你地幫忙在乎B兩歲生日留下一個開心的回憶!

好開心雪May幫梳乎用芝麻餅整o左佢個樣, Sonia 話對眼有眼睫毛o架! 真係抱歉, 因為梳乎對食物都幾敏感, 所以我地個蛋糕無加肉醬, 好彩大家狗狗都食

Thank you for joining the birthday party of Sorfu B!!!!!!!!!!

乎爸乎媽為每位狗狗準備了少少心意, 希望大家鍾意呀!