隔離屋個姨姨都話, 你日頭都唔嘈, 有時好乖, 只不過, 有時無人, 你可能瞓醒覺豬唱o下歌仔, 不過都唔係成日嘈起初, 你同爸爸媽媽一齊返學, 你真係好開心, 有得食, 有得玩, 你同我地一齊上5堂你條尾係不停擺呀擺, 擺足5堂, 之後, 比你Day Care, 識到Bunny, Bunny 成為你o既好朋友, 除o左佢之外, 你都無同其他同學仔玩喇, 不過Bunny 已經返o左屋企, 媽咪又唔識佢主人, 都唔知點幫你去contact Bunny 仔, 有幾次我Lunch 去探你, 見你自己一個o係操場到玩, 另外有個哥哥睇住你, 所以媽咪都唔會再成日比你去Day Care 喇, 不過媽咪每一晚都會帶你落街街, 同街坊狗玩, 可能你會仲開心!
之後我比你去Day Care Training, 我聽哥哥講話要train 你唔好咁為食, 其實我知你已經乖o左好多, 你o係屋企一向都比我拎走你食緊o既o野, 我知你對人係100%乖乖狗, 不過你要應承媽咪, 出到去, 唔可以因為食物而對其他狗狗"e"咀仔, 你一定要做得到, 媽咪唔想聽哥哥講, 買條咀繩縛住你, 我覺得暫時無需要
我知你鍾意人多過鍾意狗, 可能因為你細隻, 你出於自我保護, 我知你唔會去攻擊其他狗狗, 不過好似Ben 哥哥講, 我唔可以改變你的性格, 但係我要比你見多D呢個世界, free run 多D, 你可能會接受同面對到D 狗狗喇
你放心啦, 學校個哥哥叫媽咪困你籠, 因為佢做過study, 佢話外國D狗困困o下籠就會情緒冷靜, 同埋乖, 我係唔會咁做, 因為我只係知道, 我想你開心, 我想同你一齊好好享受一起的時光, 我想你笑, 只要我唔會縱容你就可以了, 學校哥哥佢地話, 平時一定要上繩, 去到Cafe 都要上繩, 唉Sorfu, 你又唔係兇惡犬, 我唔覺得有需要o係Cafe上繩, 哥哥的意見, 媽咪會衡量o下
我同好多uncle auntie 傾過, 我錫你, 你係會明o既, 我亦都唔需要用咁多工具去控制你, 只要我唔好任你放肆, 你慢慢會知我心意, 就好似Doreme 姐姐一樣, 所有o野都要比時間同耐性
睇到你去彭福 d 相, 我諗唔到點解我一定要成日用繩去control你, 我只想, 你同我都可以快快樂樂去享受一起的時光!
(哈哈! 你媽咪真係short short 地o架! 
)
沒有留言:
發佈留言