2011 年8月6日
今日係Doreme7歲生日前的週未, 因為實在太熱, 唔想梳乎咁辛苦, 我地等到4:30p.m.先出發去探Doreme
因為有交通意外, 好塞車好塞車, 的士咪錶不停跳, 但係我地過o左好耐都仍然o係新蒲崗, 終於Karson同司機講, 我地好趕時間, 要中途落車, 其實好多搭巴士o既人都已經落車行
5:15p.m.我地由新蒲崗一路行到九龍城衙前衛道, Karson好緊張, 好怕趕唔到, 唔知點解, 見佢咁緊張, 我好想喊, 不過我已經唔敢在佢面前喊, 架架的士都暫停載客, 已經就快5:30p.m.喇, 於是Karson又一直唔出聲, 跑返去太子道西, 我o係後面跟住, 好辛苦跑到索晒氣, 終於有一架去旺角o既小巴, 我地5:50p.m. 在太子新世紀落車
Karson 好緊張, 抱住梳乎一直跑, 我只有在後面一直跟, 其實我有諗過算啦趕唔到, 點知Karson由我袋入面拎o左Doreme 最鍾意o既波波玩具, 叫我唔好再跑, 然後自己抱住梳乎去o左梭亞道
我跑得好慢, 不過都係一直跑, 途中忍唔住喊, 一來真係跑到好辛苦, 二來見到Karson咁樣, 覺得自己平時成日話佢偏心錫晒梳乎, 唔錫Doreme 係好唔o岩, 其實佢都好錫Doreme o架, 我去到靈堂, 已經係6:00p.m., 見到Karson 成面都係一滴一滴汗, 將個波波放o係Doreme 個位.......
好多謝Ceci, 專登遲少少關門比我地陪多Doreme 一陣, 我地今日送o左Doreme生前最心愛o既波波比佢, 呢個波波我一直都放在屋企留念, 8月8日, Doreme 就7歲喇, 相信佢見返個波波一定會好開心! Happy Birthday to Doreme!
今日係Doreme7歲生日前的週未, 因為實在太熱, 唔想梳乎咁辛苦, 我地等到4:30p.m.先出發去探Doreme
因為有交通意外, 好塞車好塞車, 的士咪錶不停跳, 但係我地過o左好耐都仍然o係新蒲崗, 終於Karson同司機講, 我地好趕時間, 要中途落車, 其實好多搭巴士o既人都已經落車行
5:15p.m.我地由新蒲崗一路行到九龍城衙前衛道, Karson好緊張, 好怕趕唔到, 唔知點解, 見佢咁緊張, 我好想喊, 不過我已經唔敢在佢面前喊, 架架的士都暫停載客, 已經就快5:30p.m.喇, 於是Karson又一直唔出聲, 跑返去太子道西, 我o係後面跟住, 好辛苦跑到索晒氣, 終於有一架去旺角o既小巴, 我地5:50p.m. 在太子新世紀落車
Karson 好緊張, 抱住梳乎一直跑, 我只有在後面一直跟, 其實我有諗過算啦趕唔到, 點知Karson由我袋入面拎o左Doreme 最鍾意o既波波玩具, 叫我唔好再跑, 然後自己抱住梳乎去o左梭亞道
我跑得好慢, 不過都係一直跑, 途中忍唔住喊, 一來真係跑到好辛苦, 二來見到Karson咁樣, 覺得自己平時成日話佢偏心錫晒梳乎, 唔錫Doreme 係好唔o岩, 其實佢都好錫Doreme o架, 我去到靈堂, 已經係6:00p.m., 見到Karson 成面都係一滴一滴汗, 將個波波放o係Doreme 個位.......
好多謝Ceci, 專登遲少少關門比我地陪多Doreme 一陣, 我地今日送o左Doreme生前最心愛o既波波比佢, 呢個波波我一直都放在屋企留念, 8月8日, Doreme 就7歲喇, 相信佢見返個波波一定會好開心! Happy Birthday to Doreme!
沒有留言:
發佈留言