我和乎B第一個Christmas

我和乎B第一個Christmas

文章日期：12/26/2010 11:40 pm

今年係我第一年同梳乎過聖誕, 上一年梳乎B去o左training, 記得舊年聖誕好想接梳乎返屋企過節, 話晒都係第一年同我地過Christmas, 本來諗住無得返屋企, 都有得見o下佢, 點知安排唔到時間, 我成日都好想知梳乎B第一年o既聖誕究竟係點過
為o左對乎B作出補償, 今年聖誕同平安夜就成日陪乎Bo係屋企.. wakakakaa 因為爸爸要返工嘛, 所以真係好開心, 可以攬住乎B瞓覺豬, 實在係perfect!!!!
不過爸爸都在12月26日趕到同我地去影o下燈熄, 乎B見到多人, 就超驚, 成身震呀震呀, 可能平時真係無乜見大場面啦, 得閒要多o的同佢出街先得喇

震到我都影佢唔到............. o係1881有好多人都讚乎B好乖呀, 因為佢呢晚無落地, o係我地懷中表現得好欺文

之後我地偷運o左乎B去食飯..... hehehehe.... 佢又好乖, 無比人發覺wor..

呢一晚, 我就諗起我Doreme, 佢第一次同我去海運大廈睇燈飾時, 又係好緊張, 好驚, 不過我只係同Doreme 睇過一次燈飾咋. 梳乎, 媽媽出年會再同你去睇o架, 你到時要大膽o的喇!