給Doreme 的信: I will make your will come true!

給Doreme 的信: I will make your will come true!

文章日期：05/23/2009 11:50 am

Hi Doreme BB,

睇返我地的全家福, 在相中你已經係一條DNA 頸鏈, 但係我都好開心, 梳乎同爸爸媽媽的第一張相, 有你份兒!!
昨日去靈堂探你, 媽媽無喊喇, 因為媽媽依家煩到唔識喊!!!
至從帶佢返屋企o個晚, 晚晚"ung ung ung" 跟住又叫叫叫, 你個梳乎妹妹, 滋擾隔離左右幾晚, 爸爸媽媽得返半條人命, 你爸爸仲搞到面都青埋, 不過呢幾晚都可以由一點半左右, 瞓到天光, 無扭計喇, 希望佢日日都可以一覺瞓到大天光!! 不過佢朝朝6點半就會狂吠叫你爸爸媽媽, 佢想激死我地, 等我地可以快d去彩虹橋會你!!!!
不過我真係唔知佢先前o個個3星期主人點教佢, 佢一poo poo 完, 就會吠!!!! 你知道媽媽一向好有rules, 我係唔容訐佢order 我做o野o既, 特別係對住佢呢個百厭妹, 我係唔會心軟, 佢同你一樣, 性格好強, 又貪玩,不過佢衰多一樣,就係超嘈, 經過我幾晚不理會佢嘈, 嘈極都唔採佢, 佢好似好少少, 最大件事係我地返工, 佢又係超嘈, 一出門口, 已經狂吠,佢直頭想你爸爸媽媽比人投訴, 然後瞓天橋底
仲有仲有, 佢都成差不多5個月大, 仲要唔係好識去廁所, 媽媽買o左個新toilet 比佢, 你如果得閒返來都可以幫襯o下, 佢識得去上面poo poo, 但係, 佢成日都想出來wee wee, 因為佢之前個主人, 係唔教佢, 由佢周圍尿尿, 唔止咁樣, 佢係好鍾意踩屎, 呢樣, 佢真係唔及你乖, 你由細到大, 都識避開d屎, 佢就要踩踩踩..........  oh my God!!!!
仲有仲有, 佢個食相係十萬個衰, 食兩粒, 走去玩, 唔會好似你食o野咁乖, 我真係好想殺死佢, 於是, 嚴厲的媽媽只會比10分鐘佢, 佢食唔晒, 又或者玩o野, 我就會收起唔比佢食! 睇佢係唔係想做排骨精
不過, 梳乎就無你咁鍾意咬o野, 你以前係一個超級破壞王, 暫時睇佢就好你少少
既然, SorFu 係你同媽媽一齊接佢返來, 比面你媽媽會照顧好佢, 呢個係媽媽對你同梳乎的承諾, 我會將你的意願, 一步一步去實現, 梳乎雖然同你唔同, 你地兩個都係我既囡囡, 梳乎係你的延續, 下星期一, 媽媽就要帶SorFu 去上 training 喇, 因為情勢危急, 唔可以再拖, 你要支持媽媽, 希望SorFu 上完training 會乖d!! I will make your will come true!
With Love,
Mama