4月4日兒童節 - 天陰
今年兒童節可以放假陪梳乎玩, 一早起身, 下著密密的毛毛雨, 梳乎好唔開心, 佢可能以為無得去街街, 不過應承左佢, 我一定帶佢去玩o架, 最多無室外活動
一早我地先去探Doreme, 今日係梳乎第一次錫錫Doreme個骨盅, 我地大約陪o左Doreme30分鐘左右, 就去附近同Money Lucky會合, 梳乎去探完家姐, 又知有街出, 就識得笑喇, 之後再接埋芊芊, 開心兒童節就開始喇
我地第一站係去川龍茶樓, 今日係星期一 所以無咩人, 狗狗都可以坐室內, 我地去到都唔算早, 食物唔係剩返好多, 不過呢度係全自助, 大家都忙著去拎o野食, 梳乎同我都係第一次來, 我地覺得好有風味呀
去到呢到, 係山區, 空氣好清新, 不過都有少少毛毛雨, 乎乎有食少少馬拉糕
第二站係錦田鄉村俱樂部, 人係唔使入場費,
狗狗就每隻$10, 呢到地方真係好大, 有BBQ場, 有草地, 有牛牛, 有士多啤梨園, 士多啤梨係1月至3月尾先叫當造,
今日係4月頭已經係尾聲, 我地都有同狗狗去田到行o下, 一陣風吹過來, 好香士多啤梨味, 好舒服
士多啤梨有分法國種同日本種, 朋友一早話比我知日本種好味好多, 我地都無自己摘, 都係比$$等人幫我地撰o的靚o的o既, 日本種$90一磅, 法國種就$60一磅
呢到平時狗狗唔比入o架, 今日可以入真係好好彩!! hor hor
Lucky Money有街出真係好開心呀!!
梳乎就係咁naughty o架喇, 佢想去玩, 覺得我阻住佢, 我地用埋餅餅引佢都唔肯望鏡, 後來比我話佢一句, 佢就偏咀同我影一張相!!!
買完士多啤梨比梳乎舅父仔, 我地就去草地玩喇!!
呢個草地o的草唔夠彭福靚, 不過勝在夠短, 朋友話呢到有人打理, 我地可以放心
幾隻傻豬放晒電之後, 我地就同佢地影張合照, 梳乎死都唔肯企埋人地到~~~
嗱嗱林啦!! 
