難得的彭福遊 Nov 23, 2013

近日工作太忙, 累得梳乎的網誌也荒廢了好一陣子。 不過想起現在經常執筆忘字, 也是時候要整理一下這個新的網誌, 順道讓自己好好學習一下打中文字

其實和梳乎可以去的地方不是太多, 因為牠的腳仔在一歲時做過手術, 我也很少跟牠去行山, 始終對牠是一種負荷。 相反彭福公園就是我們經常帶梳乎去的地方

雖然牠對身型比牠大的狗狗有點抗拒, 可是一到彭福, 總是什麼恩仇也放在一邊, 像小電兔般獨自四處跑, 跑得口乾了, 便走回來要飲水水, 由小至大也沒有變過

今天一早我加獨個兒帶牠去散步, 天氣也頗炎熱呀, 一點也不像11月的, 到了中午, 更看見灰灰一家, 灰灰一家是梳乎動物醫生的同事呢, 平日兩個小朋友一見面會嘈交的

灰灰爸給梳乎影了很多可愛的照片, 這張照片真是我很喜歡的一張呀

今天我們更大膽地讓梳乎坐在木檯上跟其他小狗影合照, 竟然有一隻可愛的灰妹妹, 廸廸, 錫錫乎B, 幸好梳乎沒有發爛!

                                         這個小鬼頭, 有時我真的摸不清你在想什麼

                             這張合照雖然也企得很疏落, 不過已經算是突破了! 多謝Mona!

Doctor Pet 第7次探訪

Dr SorFu又出動喇, 今日去o左觀塘一間傷健人仕中心去探下院友, 佢地同老人院d公公婆婆唔同, 精神d 而且仲好風趣, 梳乎都好鍾意探佢地o架, 下次有機會都想再o黎呢一到!

秋の彭福

梳乎好耐無去彭福玩喇, 今日o既彭福同上次去有d唔同, 好似無o左好多大樹咁
所以雖然天氣已經涼o左少少, 不過跑o左一陣, 梳乎就好似好熱好辛苦咁, 想搵個地方遮下蔭都無...........



 梳乎攰到呢~~

奧海城散步

已經好耐無同梳乎去奧海城喇, 今日天氣好好, 而且有少少風, 真係要及時行樂先得!






由海帆軒開始一直沿海邊行, 行去奧海城, 原來呢條路唔比狗狗入o架
不過我地開頭都唔知o架, 仲好遊閒咁坐o係樹睇日落,途人見到梳乎都好友善,無比人趕走, 好彩咋! 之後我地就行去奧海城露天餐廳食o下熱狗, hea 下 hea 下又一日!

快樂的中秋節

一年容易又中秋, 時間過得好快呀, 今年o既中秋節都唔錯, 中秋節翼日假期o係星期五, 咁就可以好好享受一年3日o既假期. 對梳乎來說, 最開心一定係食月餅, 今年我都臨時臨急整o左月餅比佢食呀, 仲同乎B戴o左螢光圈已應下節~~ hehe

燈籠佢就唔識玩, 比d 螢光圈佢應下節

到o左追月日, 同梳乎去o左西貢行下, 佢都好開心, 因為實在太耐無去街玩喇~ 我地之後仲同Dolly 佢地去o左食海鮮~ 梳乎坐得好直呀, 就係想我比粒飯佢o也囉~~ 

到o左星期六, 仲帶o左梳乎去Donut 屋企燒野食呀~~ 今年o既中秋真係過得好開心! 

乎B的造型

 

2013 年9月15日

 

今日帶乎B去搵Yoshi 姐姐剪毛毛, 點知原來今日去剪毛毛有月餅送, 真係喜出望外,

而且仲有免仔頸繩送呀, 不過為食妹最開心就係有月餅食

姐姐將個月餅放o係reception 到, 佢一路望住,一路吞口水呀, 真係失禮呀! wakakakaka

 

每次去剪毛毛, 都會有張相送返比我地做紀念, 唔驚唔覺, 我都儲起o左6張喇, 所以睇到呢個傻瓜仔唔同o既造型, 其實個個我都好鍾意, 不過最喜歡就係佢圓碌碌o既樣, 所以新年個head phone 頭就係我大愛喇

乎B愛貓貓

今日帶梳乎去洗白白，點解沖完涼會咁開心呢？

其實真係無乜幾何對住鏡頭咁笑。。。心情大靚就係因為同ビール玩得好開心

同ビール玩到癲晒。最後要同ビール影返張相。乎B成個小Fans噉。ビール個樣好似有d難為。wakakaka

個儍妹仲要係咁纏埋去

BTW， 等個個8妺時，我同乎爸去咗希慎Habitu, 點知。。。下次一定唔會再去.